15.11.2021
176
![](/uploads/shorttexts/author_image/unnamed-7[2].jpg)
Түбіт бөкебай
Түбіт бөкебай
Тартқан ботам-ай,
Өзің ботадай,
Көзің боталай,
Маған қараушы ең
Мейірім нұрына
Шөлдеп, қаталай...
Түбіт бөкебай
Түсті-ау басыңнан.
Дәурен ботадай
Ұшты-ау басыңнан.
Кеттің жат жұртқа
Құшты-ау қосылған.
Сен де алыстап,
Мен де алыстап,
Құштар басылған.
Түбіт бөкебай
Тозды түбіті.
Тентек көңілдің
Озды үміті.
Қалды махаббат
Уыты өзекте.
Қалды...қалғанын,
Қалқам, сөз етпе.
Кеңшілік Мырзабеков Кеңшілік Мырзабеков өлеңдері түбіт бөкебай мейірім Кеңшілік Мырзабеков шығармашылығы