05.11.2021
  158

Автор: Кеңшілік Мырзабеков

Нөсерлеп өтті жаңбыр

Нөсерлеп өтті жаңбыр,
Аспанды күркіретті.
Көкжиек ала шабыр,
Астарын жыртып өтті.
Қара оттың түбі балқып,
Булығып тұр жетілмей.
Жусаған үйір жылқы
Жусаннан үркетіндей.
Жазылып жайылмайды,
Жаңбырға жалдап алып.
Қайық жел қайырлайды
Жазықтан жонға барып.
Боз бие дара мүсін,
Топ малдан биік тұрды.
Теуіп қап жабағысын,
Құлынына иіп тұрды.


  Кеңшілік Мырзабеков Кеңшілік Мырзабеков шығармашылығы Кеңшілік Мырзабеков өлеңдері нөсер жауын

Қарап көріңіз 👇

  Нұрқан мен Хайролла ᐈ
  Дәметемін, махаббат ᐈ
  Екі қаз ᐈ
  Оймақтай көлдің жиегі ᐈ
  Он алты жас ᐈ


Пікір жазу