Ақын өлеңдері жинағы ✍️

Отаным!
Айбыным да, жалыным да,
Қуат берген күнімсің, жарығым да!
Отаным - ұлан байтақ Қазақстан -
Арым да, намысым да, арыным да!

Отаным!
Арқауымсың өлеңіме,
Жарап жатсам арман жоқ керегіңе.
Теңіздің тамшысындай мөлдірлікпен,
Таңғы шықтай тазамын өз еліме!

Отаным - өр қазағым бұл өмірде,
өзіңсің сүйенерім, тірегім де!
Сен десе сарқылмайтын сағыныш бар,
Менің мынау тулаған жүрегімде.