Ақын өлеңдері жинағы ✍️

Ғашыққа толы ғалам.
Әйел боп – жаралаймын!..
Қаламды қолыма алам.
Айнама қарамаймын...

Өмірдің көрмесінен
жұлып ап ғұмырымды
кетсем ғой!
Ахматова бөлмесіне...
Өзімдей түні мұңды.
Өзімдей мұңы – жынды...

Жан еді Ол жалынды! Асқақ!
Менің де мұңым батыл!
Суретін алып тастап.
Бейнемді іліп жатыр...

Билейтін.
Билеген де
Тағдыр ғой!
Кеш келемін.
Эх!..
Сені сүймегенде!
Білмеймін... Не істер едім?..