Ақын өлеңдері жинағы ✍️

Хақтан да қаймықпайтын Алакүлік,
Қақпаңда – қабаған ит, қара құлып.
Сен жүрсің ойнастан да олжа тауып,
Мен жүрмін Айлы аспанға қарап ұлып.
Амал не жүріп тұрса сенің құның,
Амал не құрып тұрса менің күнім.
Түркі емес,
Түлкілердің заманында
Түсініп жатыр дейсің кебімді кім?..
Халыққа да,
Жақпақсың ханыңа да,
Əрі дара,
Болғансып əрі дана.
Жер-жаһанды,
Шайтанға мініп алып,
Жеті айналсам, сендей жан табыла ма?!