Ақын өлеңдері жинағы ✍️

«Қарағайға қарсы бұтақ біткенше,
Еменге иір бұтақ бітсейші...»
Зауалың бастан асты ғой,
Заманым, соны күтсейші?
Еменнің тегі – Емен де,
Қарағай тегі – Бəйтерек.
Шерлінің шегі шеменге
Айналып кетсе қайтер ек?
Иірдің аты иір ғой,
Қиынның аты қиын ғой.
Кешігіп келген бір бақыт
Кетер ме бізге бұйырмай?..
Соны ойлап басты зеңіттім,
Заңымен арғы затымның –
Шідерлеп атын Желіктің,
Күдерілеп атын Ақылдың.