Ақын өлеңдері жинағы ✍️

Күле қарап заман тұр миығынан.
Елес көрдім ертеңнің қиырынан...
Ұршықтайын үйірген иірімнің
Шыға алатын емеспін ұйығынан.
Салып алып салбауыр түнді иыққа
Тірі болсақ, ілгері жылжиық та.
...Түсіп бара жатырмын шыңырауға,
Батып бара жатырмын тұңғиыққа.
Зар қақсаған не қайыр тіл-жағымнан,
Жұмағымды кім жұтты гүл жамылған?
Кім құтқарар ажалдың құрығынан?
Кім босатар заманның зынданынан?..