Ақын өлеңдері жинағы ✍️

Аз білерсің мен жайлы, көп білерсің...
Бірмезгіл көңілге аза шектірерсің.
Өлеңіне өлмейтін өмір тілеп
Жер бетінен бір ақын өтті дерсің.
Өтті дерсің бір ақын жарық күннен,
Күлер болса өзегін жарып күлген.
Талайлардың тұңғиық тағдырына
Абайлардың арманын алып кірген.
Болмағанмен Ұлы Абай, ірі Қасым,
Ақындар бар бірінен бірі басым.
Соның бірі өмірден өтті дерсің
Музасы мен қалдырып мұңын асыл.