Ақын өлеңдері жинағы ✍️

Өртенген құмшағал далаға,
Сырдың біз ақтардық арнасын.
Айналды сәулетті қалаға,
Елімнің өзгертіп картасын.
Айналмас Қызылқұм сағымға,
Кеппейді сахара сар дала.
Елімнің баянды бағына,
Шуақты нұр шашар Шардара.
Қайырмасы:
Сағындым шексіз,
Шардара елін.
Шағала ұшқан
Аңсадым көлін.
Көңілім көктем,
Жанарым теңіз.
Сыр ана сізбен,
Жүрегім егіз.
Ойнаймыз жаға жай төрінде,
Құм шашып, теңізін сапырып.
Құшағы ып-ыстық өңірге,
Достарды қонаққа шақырып.
Би билеп әнге де саламыз,
Желіксін, желпінсін сардала.
Келіңдер күтеді қаламыз,
Құм шағал, көк теңіз Шардара.