Ақын өлеңдері жинағы ✍️

Өне бойым өршiп тұр,
Тұла бойым тершiп тұр.
Түндiгiңде Ай балқып,
Кiндiгiңде көлшiк тұр…
Өртенген кiм, күйген кiм?
Ертегiдей күйге ендiм.
Қабырғаңнан сөгiлдiң,
Қамырдайын илендiң.
Таңдай кеуiп, құрғап тiл,
Əлсiн-əлсiн үн қаттың…
Бəденiңдi базарлап,
Əлемiңе шым баттым.
Шамырқандым, шарқ ұрдым,
Шамға ұмтылдым-шарпылдым.
Сабыр таппай сарқылдым,
Ауа жетпей алқындым.
Алақандай ашылдың,
Ақ моншақтай шашылдың.
Шалқып барып шаршадым,
Балқып барып басылдым.