Ақын өлеңдері жинағы ✍️

Тұңғиық теңiз түбiне
Отырма ойды батырып.
Шаттан, күл туған күнiңде
Шараптан ұрттай отырып.
Санамай тiлiн сағаттың,
Жанымыз тауып жарасым,
Қып-қызыл нарттай шараптың
Қызуы қанға тарасын!
Өткен бiр күнге наз артып,
Балалық шақты есiңе ал.
Күлсең, күл көңiл тазартып,
Жыласаң, жыла, несi бар?!
Не ойласаң бүгiн мақұл-ды,
Кештiң де мынау Сен – көркi.
Аңқылдақ мендей ақынды
Сүйемiн десең – ол да еркiң!
Демеймiн мен де: «сүймешi»,
Бəрi де бəрi жарасар.
Қалып та қоям үйде осы
Қарсылық етпей, қаласаң.
Алқына соғып жүрегiң,
Əн шырқа, биле, күл, ойна...
Қамшыдай қысқа бұл өмiр
Өтiп те кетер былай да!