Қайыркенге
Мен көргенде алғаш сені Қайыркен,
Мына аруға деп ем келер қай ұл тең!
Тұла бойың еді ақыл-парасат,
Құйылғандай ілтипат пен қайырдан.
Келбет-көрік берген AЛЛA даралап,
Кеңес құрсаң көңіл мұңнан тазарад.
Аймағыңа нұр шашар бір сәтің бар.
Қызығардай небір абзал азамат.
Кейін көрсем, ізгі арманың алға асып,
Әбуіңмен жұптасыпсың жалғасып.
Күбірі әсем қос көгершін секілді,
Шіркін-ай деп қызығардай сан ғашық.
Білдің алда тұрмағанын дайын бак,
Шығар биік межеледің пайымдап.
Қамал бұзар енбек қана екенін,
Ұқтың бағдар бағытыңды дайындап.
Игердің де бір белесін ғылымның,
Соған қарай ынта қойып бұрылдың,
Азамат қып өндір ұлдар өсірдің,
Алла ұзақ етіп берсін ғұмырын.
Құтты болсын мәртебелі мерейтой
Өсе бергін өркендіге теңеп бой,
Елу ердің жасы болса, әйелдің
Бәйбіше боп толысатын жасы ғой.
Мен алдағы бақытыңа сенемін
Табады адам ұмтылумен керегін,
Талаптанған ғана жетеді мұратқа
Болды, игердім ғылым шыңын демегін.
Ақ тілегім қосағыңмен қоса ағар,
Аман болсын асыл екі босағаң.
Аман болсын қос құлының болашақ
Бақытыңа бақыт әкеп қоса алар.