Ақын өлеңдері жинағы ✍️

Сыртын сылап адам жақсы бола ма?
Қараға ақ жамағанмен қона ма?
Дейді ғой жұрт: «Адам көркі шүберек»,
Шүберекпен бар олқылық тола ма?
Ажар мәңгі бола ма адам жолдасы?
Өткінші бір шақ емес пе болмашы.
«Өмір озар, ажар тозар» күн барын,
Өзің шырақ, бір азырақ ойлашы.
Алаулаған албырт шағың ол да өтер,
Өкінерсің өткеніне күр бекер.
Болсаң егер жаны сұлу жақсы адам,
Ол қасиет — сүйегіңмен бір кетер.

20.05.1957 жыл.