Ақын өлеңдері жинағы ✍️

Күні туды қайсыбір алаяқтың,
Өсімінен қалады сені аяп кім?
Сауда заңы біріңді он есе ету
Ол пайдадан қалады жан аяп кім!
Зыр жүгіру — дені сау жастың ісі,
Қалтасы ток, қайғы жоқ мастың ісі.
Келеңсіз іс, керенау кей қылықтан
Кәрі-құртаң, кемтардың қашты түсі...
Үміт күткен бүгінгі жас талабым,
Бұрылсыншы тіліңе қас-қабағың.
Ағылшыны жоқ, бірақ көз сүрінеді
Ағылшынша жарнамасы астананың.
Аға тілді аспанға көтергеннен,
Пірдей көріп соңынан көп ергеннен,
Өзіңді қор, өзгені зор тұтқаннан
Аз болды ма азабың бекер көрген.