Ақын өлеңдері жинағы ✍️

Ән қандай, әсем сазды наз үн қандай!
Құрсауы тұла бойдың жазылғандай!
Талдырып тал бойыңды үзілткенде
Тосыннан бір тылсым сыр танылғандай.
Шығандап бір сәт шалқып аспанға өрлеп,
Қалықтап қайта оралып қалқып, көлбеп,
Жалт беріп және аспанға тік шаншылып,
Ақ білек жібергендей серпи демеп.
Сорғалап құйылғанда жел өтінде,
Айдынды қалқып бірде кел бетінде,
Көзіңе елестейді жұбай Аққу
Жәмила-Даниярдың келбетінде.
Ал сазгер атағы асқақ кемел бүгін
Еңбегі әйгілеген кемелдігін.
Сан саққа сәтте сені түсірді ән
Танытып Әлияның шеберлігін.