Ақын өлеңдері жинағы ✍️

Қуанышым, мақтаным жаным қызым,
Өзіңсің жаным ақ таңым, барым қызым.
Үш жасқа сен қадам бастың бүгін міне,
Құтты болсын жарығым, әнім қызым.

Көктемімсің өмірімді көрікті етер,
Көркемімсің сенімімді берікті етер.
Қызғалтағым жан қызым еркелейтін,
Өмірімнің мәнісің күннен бетер.

Жымыңдасын аспанда ай-жұлдызың,
Бұлбұлдарың сайрасын айдай қызым.
Саулығыңды тілеймін гүлім менің,
Амандықта жүре берші жайнай қызым.