Ақын өлеңдері жинағы ✍️

Алла бүркемегенді
Қастық бүркей алмайды.
Тұмшала мейлің түнек боп
Ұзаққа әсте бармайды.
Күншіл сорлы көмдім деп
Күпініп өзін алдайды,
Тәңірінің берген талайын
Тартып ешкім алмайды.
Жанып туған жұлдызы
Жарқырап шықпай қалмайды.
Біреуге мен көптің бірімін,
Біреуге ғажаппын, ірімін.
Әрсіздің, нәрсіздің бәрі — мен
Батқанға тікені тілімнің.