Ақын өлеңдері жинағы ✍️

Дарқан дейміз теңізді,
Жатқандықтан ба шегі-шеті көрінбей.
Тілсіз жау дейміз үреймен,
Жұтқандықтан ба кей қыршынды өрімдей.
Дарқан дейміз теңізді,
Ашқандықтан ба байлығын адамға.
Тілсіз жау дейміз үреймен,
Кейде қауып төндіргеннен бе жарты ғаламға.
О, ғажап табиғат, таңданам,
Бір қырың кіл әсем келісім, жарасым,
Бір қырың қозғалыс, арпалыс
Құрайды кіл күрес өмірдің жаңару таласын.