Ақын өлеңдері жинағы ✍️

Еркін жел сәбидей еркелеп оятқан
Таң гүлімісің!
Көктемнің әлемді жасылға боялтқан
Жаңбырымысың!
Жандыға нәр болып құйылған
Күн Нұрымысың!
Бұлбұлдың тыңдаушы ұйыған
Сырлы үнімісің!
Әйтеуір сүйемін шолпы үні
Сыңғырын үшін!
Сүйемін теңіздің толқыны —
Мың қырың үшін!
Сүйемін асауды алдында сызылтар
Сиқырың үшін!
Бал шырын бүлдіршін қыз іңкәр
Бір сырың үшін!