Әңгімелер жинағы ✍️

Қожа көпшілік бас қосқан жерде, мәжіліс пен тойда көп сөйлейтін сөзуар кісі болса керек. Әйелі жарықтық:

— Көп сөйлеме, — деп талай-талай ескертсе де, Қожа «ауруынан» айыға алмапты. Ақыры әйелі бір амал ойлап табады, Қожаның белдігіне бір тұтам шуда жіпті байлайды да:

— Сенің артық сөйлеп бара жатқаныңды сезсем, мен шуда жіпті тартып қаламын, сонда сөзді доғарасың, — дейді.

Бір күні бір жиын-тойда жұрт жақсы әңгіме-дүкен құрады. Мұнда да Қожа басқаларға кезек бермей, самбырлап сөйлей береді. Қожаның өздігінен тоқталмайтынын білетін әйелі шуда жіпті ұшынан тартып қалады.

Сонда Қожа:

— Жігіттер, шуда жіп тартылды, сөз қысқарды, енді өздерің сөйлей беріңдер, — депті.