Әңгімелер жинағы ✍️

Қожекең бір күні түс көріп, түсінде тәжі қоразы бар екен.

Алдына бір кісі келіп:

— Қожа, қоразыңызды сатасыз ба? — деп сұрайды.

— Ақшаны көп берсең, сатамын, — дейді.

— Кәне, қаншаға бересіз? — дейді.

— Он екі теңге бер.

— Жеті теңге берейін.

— Жоқ.

— Болмаса сегіз теңге берейін.

Осылай таласып, нарық тоғыз теңгеге шыққанда, Қожанасыр оянып кетіпті. Оянса қоразы да, алушы да, ақша да жоқ. Қожекең дереу көзін жұмып: «Тоғыз теңге болса да, берші» — деп қолын созыпты.