Әңгімелер жинағы ✍️

Ақшасы бар әмиянын жоғалтып алған Қожанасыр үйіне көңілсіз келеді. Бұл туралы әйеліне бірден айтуға сескеніп, алыстан орағыта сөйлейді:

— Қатын, бүгін базардағы жұрттың бәрі де әмиянын жоғалтумен болды, күлкіге әбден қарық болдық, — дейді.

— Сіздің оларда неңіз бар? Сіз жоғалтқан жоқсыз ғой, әйтеуір, Құдай оның бетін аулақ қылсын! — дейді әйелі.

— Өзің бір қызық әйел екенсің, — дейді мырс етіп күлген Қожа, — бәрі әмиян жоғалтып жатса, сонда, немене, мен соларға аузымды ашып қарап тұруым керек пе, а?