Әңгімелер жинағы ✍️

Бірде Қожаның жасын сұрағанда:

— Қырықтамын, — десе керек. Арада он жыл өткен соң:

— Нешедесің? — десе, тағы да:

— Қырықтамын, — дейді.

— Мұның қалай, бұдан он жыл бұрын «қырықтамын» демеп пе едің?

Сонда Қожа:

— Ер-азамат екі сөйлемес болар. Тәңір жалғыз, Тәңірдің құлы адамның сөзі де жалғыз-ақ болуға тиіс. Ол түгіл, жиырма жылдан соң сұрасаң да, мен айтқанымнан қайтпаймын, — депті.