Аңыздар жинағы ✍️

Шам шаһарының әмірі өз хұзырына ғалым, шайырларды жинапты. Ол әл-Фарабиді сынамақ болып:

— Өзіңе лайықты орын тауып отыр, — депті. Сөйтсе, әл-Фараби тура әмір тағына барып отырады. Сонда әлгі әмір қасындағы уәзіріне беймәлім тілде:

— Мына түрік әдеп сақтамады ғой, — депті.

Әл-Фараби оны дереу түсіне қойыпты да:

— Тақсыр, мен жетпіс тіл білемін, — депті. Ыңғайсызданып қалған әмір, халпелер: «Кешіріңіз, сіз екінші ұстаз екенсіз ғой, байқамай қалдық», — деп оған жол береді.