Ақын өлеңдері жинағы ✍️

Сөз табасың, құрбыжан, не керектен,
Дәл тиеді қай сөзің зеңбіректен.
Шыныменен көңілің болса менде,
Жаным құрбым, жан сәулем, шын жүректен.

Қайырмасы:
Уаридай, еккай, уаридай, еккай,
Жаным құрбым, жан сәулем, менің көңілім.

Ай бірдей ме аспанда жұлдызбенен,
Тері бір ме шын кәмшат құндызбенен.
Жаман менен жақсыны айыра біл,
Жапалаққа қоңыр қаз ілгізбеген.