Ақын өлеңдері жинағы ✍️

Салғаным оң қолыма алтын жүзік,
Сүйгенім кете алмайды күдер үзіп.
Қолымнан қапияда кеттің шығып,
Аққудай көл-дарияда жүрген жүзіп.

Қайырмасы:
Гүлдер-ай,
Гүл-гүл шашқан,
Бұлбұл құстан қызыл гүл.
Бұлбұл құстан-ай,
Шіркін, жастан, қызыл гүл.

Әуеде ұшып жүрген көгілдірік,
Жарасар көк дөненге өмілдірік.
Ауылым жақындағы алыс кетті-ау,
Бір жағын қабырғамның сөгілдіріп.

Қайырмасы:
Гүлдер-ай,
Гүл-гүл шашқан,
Бұлбұл құстан қызыл гүл.
Бұлбұл құстан-ай,
Шіркін, жастан, қызыл гүл.