Ақын өлеңдері жинағы ✍️

Есігімнің алдында Балғын көл-ді,
Балғын көлдің балығын алғым келді.
Кішкентайдан бірге өскен қыз Дариға,
Аттандырған жерінде қалғым келді.

Қайырмасы:
Ойпырмай, қарағым,
Күйіп-жанып барамын!

Алтын, күміс жарқырап тағынғаның,
Кәне сенің, Дариға, сағынғаның?
Түн ұйқымды төрт бөліп келгенімде,
Келмей қалып уәдеңе не қылғаның?

Қайырмасы:
Ойпырмай, қарағым,
Күйіп-жанып барамын!