Туындылар ✍️
? Жұма – әрбір мұсылман үшін мейрам, дұға-тілектер мен ізгі ниеттер қабыл болатын қасиетті күн!
Пайғамбарымыз ﷺ бір хадисінде: «Жамағат болып жұма намазын оқу – әрбір мұсылман үшін парыз. Бұл үкім төрт адамға жүрмейді, бұлар: құл, әйел, сәби және науқас адамдар», – деген
(Әбу Дәуіт, Байһақи).
Бұл күні әйел адамдар не істеуі керек?
1. Таңертең ертерек тұрып, ғұсыл дәретін алып, әдемі киімдеріңізді киіңіз.
2. Отбасыңызды, балаларыңызды бұл қасиетті күнмен құттықтаңыз.
3. Үйіңізді тазалаңыз (жұмысқа кететін болсаңыз бейсенбі күні жинап қойыңыз).
4. Шелпек, бауырсақ, тәттілеріңізді пісіріңіз, мейрамды балаларыңыз да сезінсін (жұмыста болсаңыз ертерек дайындық жасаңыз, нанды ашытып кетсеңіз, кешке жұмыстан келіп пісіре саласыз).
5. Аллаға шүкіршілік етіп, көбірек дұға жасаңыз. Пайғамбарымыз Мұхаммедке ﷺ салауаттар айтыңыз. Пайғамбарымыз ﷺ бір хадисінде:
«Жұма күнгі 12 сағаттың ішінде бір сағат бар, ол уақытта мұсылман Алладан бірнәрсе сұрап, дұға етсе, оған міндетті түрде жауап қайтады. Бұл сағатты асыр намазынан кейінгі уақыттан іздеңдер», – деген.
6. «Кәһф» сүресін оқудың маңызы өте зор.
7. Кешке отбасылық асқа жиналып, балаларыңызға да бұл күннің маңызы жайлы, мейрам екенін айтып, Аллаға көбірек шүкіршілік етіңіздер.
8. Дастархан басында жақсы әңгімелер айтып, дүниеден өткен ата-ана, жақын-туыстарға Құран бағыштаған дұрыс.
P.S. 8-наурыз, жаңа жыл т.б. мейрамдар болса алып-ұшып жүгіретініміз рас. Ал Жұма күні Алла бізге күнәларымыздан тазарып, тура жолға түсуге бір қадам болса да жасауға, керегімізді сұрап, дұға жасап, Раббымызға жақындай түсуге (апта сайын) зор мүмкіндік жасайды. Ендеше, мүмкіндіктен қапы қалмайық мұсылман бауырлар! Алла бізді өзінің ізгі құлдарының бірі болуға жазсын!