20.08.2021
221
![](/uploads/shorttexts/author_image/unnamed[11].jpg)
Асылзат (2-нұсқа)
Базарда бұлы қымбат бас кілемнің,
Өспесін малы, басы қаскүнемнің-ей.
Сағынып жар дауысын жүргенімде,
Шығады даусы қайдан қос күреңнің-ей.
Қайырмасы:
Әй, Асылзат, шаһи зат,
Сағынғаннан, ей, жаздым хат.
Беліме буынғаным бос белбеуім,
Болса да жаман-жақсы өз белбеуім-ей.
Көп айлар көрмегелі, көп күн болды,
Жүрмісің аман-есен, көз көргенім-ей.
Қайырмасы:
Әй, Асылзат, шаһи зат,
Сағынғаннан, ей, жаздым хат.