Ақын өлеңдері жинағы ✍️

Базардан алып келген айнасын-ай,
Айнадай екі көзің жайнасын-ай.
Көп айдың көрмегелі жүзі болды,
Құрбыжан, бір көрінбей қайдасың-ай.

Қайырмасы:
А-ай! Ой, құрбыжан,
Бір көрінбей қайдасың, Ардағым.

Базардан алып келген кәрлен аяқ,
Қалқатай, шай құйсайшы бәлденбей-ақ.
Өзіңе жөні келсе айтам ба деп,
Бір сөзді тамағыма жүрмін таяп.

Базардан алып келген шәй тостаған,
Тар жерде қиын екен ән бастаған.
Шешеңнен сені тапқан айналайын,
Бәйгеден келген кердей ойқастаған.