13.08.2021
224
![](/uploads/shorttexts/author_image/a305e2a2-c263-4312-8391-38dc4fd4f32f[1].jpg)
Кім кінәлі?
Бапақ шықты тақтаға,
Көздегені «бес» еді.
Жазды есепті мақтана
Үйге берген кешегі.
– Шығармапсың ойланып,
Дұрыс емес мынауың.
Жүрдің бе не, қой бағып,
Екі! – деді мұғалім.
Бапақ түсіп кекілі:
– Қиянат қой оныңыз.
Маған емес,
Екіні, –
Деді, – Бекке қойыңыз!
Кеше ойнап күнімен,
Шығып кетіп есімнен,
Жаңа Бектің мұны мен
Дәптерінен көшіргем...