Ақын өлеңдері жинағы ✍️

Қала да, дала-дағы аман болғай,
Қаперсіз ұйықта, елім, алаң болмай.
Жұбайлар шыққан күліп пәтерінен,
Сау болғай машинаның қатерінен.

Аздап іш, кездессе де бұрқырап той,
Аязда тоңып қалу мүмкін-ақ қой.
Адамның көңілін жайлап жыр байтағы,
Ашуды ақыл жеңіп тұрғай тағы.

Жас жігіт махабаттың құшағынан
Шыққанда, сақта ажал пышағынан.
Тыныштық айдың көңіл аққуындай,
Тыныштық шағаланың шаттығындай.

Айдынның ойран түсіп ортасынан,
Аққуым жатпағайсың шалқасынан.
Осынау ұлан-ғайыр тілекпенен,
Білмеппіп тағы да бір күн өткенін.