Ақын өлеңдері жинағы ✍️

Қыс айының аязды бір кешінде,
Сырғанақты бастап едім бесінде.
Қараөткелдің "Алатаудай" жарында,
Соңғы тепкен сырғанағым есімде.

Жар басынан құйындатып жөнелдім,
Балалықтың қызығына кенелдім.
Кенет шанам асау тайдай бұлт етіп,
Төрт-бес аунап кеткенімді білемін.

Сонан кейін мен сырғанақ теппедім,
Қолшанамды іле қуып жетпедім.
Балдан тәтті балалықтың дәурені,
Білмеппін ғой сол шанамен кеткенін.