Ақын өлеңдері жинағы ✍️

(Лермонтовқа)
Шын таланттың ақшасы да болмайды,
Шын таланттың бақшасы да болмайды.
Жағымпаздық сый өлеңі болмайды,
Жалғыз өзі, сүйенері болмайды.
Шын талантқа алдына алса аспан бар,
Бұлт көзінен қарызға алса жастар бар:
Ол — асқар тау, ол —бір мұхит, ол — орман
Жүрегінде жайқалады жас талдар.
Жалғыз өзі құшақтаған соң Күн, Айды,
Ол кімдерден жәрдем, көмек сұрайды.
Ол өлгенде жер жатады бусанып,
Ол өлгенде аспан ғана жылайды.