Ақын өлеңдері жинағы ✍️

Измаил мен Альпіде
Көтерілген ту болып,
Ұран болған әр тілде,
«Жатыр мұнда Суворов»
Салтанатты қабірсіз,
Саусылдаған қарусыз.
Жатыр аяқ астында,
Атағы асқан жан үнсіз.
Лавраға барғанда
Кетер ішке у толып,
Деп жазылған мәрмәрға
«Жатыр мұнда Суворов»
Сұқтанарлық өзге жұрт
Керексіз деп мазарат
Өлген мұнда көз жұмып.
Қол басы ер азамат.
Сол сөзінен сыр ұғып,
Тұрмын оны түсініп,
Шіркін, қандай ұлылық,
Шіркін, қандай кішілік.
* * *
Күн көреді алыстан өз нұрларын,
Кішкене көздерінен қозылардың.
Кішкене көздерінен құлындардың,
Күн көреді алыстан өз нұрларын,
Жылу кіріп бойына отын ап күн,
Жарқ етеді жанары топырақтың,
Ашылады көздері көгілдірдің,
Ашылады көздері жапырақтың.