Ақын өлеңдері жинағы ✍️

Солғын тартып барам, жаным,

өң берші; Мені үнемі жүрегіңмен тең көрші.

Жұлдыздардан көпір жасап қояйын,

«Құс жолымен» сен келші!

Көкжиектен күлімдейді көздерің,

Көңілімде кемпірқосақ сезімдер.

«Күйін кешсін» демесең мұң кезбенің,

Кешіктірмей өзің кел!

Күннің көзін кіреуке мұң көмкеріп,

Бар әлемді бір сезіммен өртедік.

Көктем келді жұбата алмай тағы да,

Қуансам ғой сен келіп...