Ақын өлеңдері жинағы ✍️

Арамдықтың көзі көр
Қап-қараңғы тұмандай.
Қара жолда кезігер
Қара шұбар жыландай.
Арамның қан қолы бар
Қып-қызыл өрт өңіндей.
Қызыл жолда жолығар
Қып-қызыл құрт жегідей.
Арам ойы — кіл сұмдық;
Арам ойы — күншілдік,
Арамдықтың алысар
Қас дұшпаны бір шындық.
Арамдықтан бас сақтап,
Алдында оның табынбай,
Адалдық тұр асқақтап,
Алтайдың биік тауындай.