28.07.2021
98
![](/uploads/shorttexts/author_image/2022-05-21-23-05-40[1].png)
Целиноград
Целиноград — гүлдер,
Жаралған махаббаттан.
Целиноград — үйлер,
Қаланған қат-қабаттан.
Целиноград —
Күмбездер күн терезелі,
Целиноград —
Көк Есіл —
Даланың өр өзені.
Целиноград — ақ бидай, ала тары,
Арқаның ар, атағы.
Целиноград —
жерімнің ақ пейілі,
Елімнің алақаны.
Целиноград —сан ұлтты ел еңбегі,
Бар онда шеберлердің қол өрнегі.
Целиноград — күйлері Тәттімбеттің,
Целиноград — Сәкеннің өлеңдері.