27.07.2021
147
![](/uploads/shorttexts/author_image/2022-05-21-23-05-40[1].png)
Көк таулар
Көк аланың үйіріндей,
Көк таулар иін тірескен.
Аспанды жайлап үйіндей,
Көк ала бұлтпен бір өскен.
Сырлары терең құпия,
Таңғажайып бітісі.
Тастары бейне тақия,
Тал-қарағай үкісі.
Көк сағымға қол артып,
Көтерілген күнге тау.
Көрінеді мұнартып,
Кеудесінде мың отау.
Көз жетпес таулар көшіне,
Алысқа сапар шеккендей.
Арқаның апай төсіне,
Орнатып біреу кеткендей.