27.07.2021
  130

Автор: Сырбай Мәуленов

Эльбрус

Егіз шыңды Эльбрус
Мұздан ғана жаралған.
Сәулесімен күншығыс,
Қабырғасы қаланған.
Күн шығып, не батарда
Егіз шыңы көрініп.
Жалт береді жапанда
Жалпақ бұлтқа көміліп.
Екі ақша бұлт ауада,
Үзіліп бір қалғандай.
Екі аққу далаға
Салтанатқа қонғандай.
Оян да аш көзіңді,
Бере қалса жел дыбыс.
Шақырғаны өзіңді
Шаңқай түстей Эльбрус.


  Эльбрус шың сырбай мәуленов Сырбай Мәуленов шығармашылығы Сырбай Мәуленов өлеңдері

Қарап көріңіз 👇

  Нарзан қайнары ᐈ
  Аттанарда ᐈ
  Қайыңды ᐈ
  Көк таулар ᐈ
  Оқжетпестің түбінде ᐈ


Пікір жазу