26.07.2021
  165

Автор: Сырбай Мәуленов

Көктем сұлу келеді

Далаға жайып көк жібек,
Өзен боп өзі мөлдіреп,
Гүл болып қызыл желбіреп,
Көктем сұлу келеді,
Құшағын жайып елжіреп.
Жыл құсымен қиқулап,
Бұлағымен бұрқылдап,
Көктем сұлу келеді,
Балбыратып денені,
Бойды билеп, сиқырлап.
Жанында бұлақ гурілі,
Жапырақтардың дірілі,
Өзеннің ерке сыбыры,
Көктемді алды көтеріп,
Жаны көктем жыр ұлы.


  Көктем сұлу дала сырбай мәуленов Сырбай Мәуленов шығармашылығы Сырбай Мәуленов өлеңдері

Қарап көріңіз 👇

  Жетісу ᐈ
  Талдықорған ᐈ
  Арқарлы асуында ᐈ
  Қозы ᐈ
  Түтін ᐈ


Пікір жазу