26.07.2021
142
Қызылқұм
Орта Азия көгінде
Оттай ыстық қызу күн.
Түрікпеннің жерінде
Жатыр жалпақ Қызылқұм.
Жауырынын күн қақтап,
Қатып қалған қан-сөлі.
Сұра желден, ойнақтап
Көшірді екен қанша оны?
Адамдарды тас боран
Қаңбақ етіп үйірген.
Жонға көміп тастаған
Түйелерді жүгімен...
Елдің күші біріккен
Құмды жарып, қақ тілген.
Келеді жас түрікпен
Ақалтеке ат мінген.
Келеді алыс күнді ойлап,
Өзі ие өмірге ол.
Өз қолынан құм бойлап,
Кетіп жатыр темір жол.
1956