Ақын өлеңдері жинағы ✍️

Жан жүйені ұйытқан.
Жалын қанат ән тәтті.
Суық күнде жылытқан
Сұр окопта солдатты.
Солдатпенен бір жүріп,
Берлинге де бір барған.
Дүние жүзін күлдіріп,
Жеңіс әні жырланған.
Қысқы суық іңірде,
Жылқышымен қыр асқан.
Жаздың жайлы түнінде
Қыз жанымен сырласқан.
Жан толқынын өрлетіп
Жарымдайсың сырлассам.
Жүрегімді тербетіп,
Бір қалмайсың жыр жазсам.
1950