Ақын өлеңдері жинағы ✍️

Біреуіне исіндім,
біреуіне исінбей,
біреуіне сүйсіндім,
біреуіне сүйсінбей,
біреулерін жақтырдым,
біреулерін жақтырмай,
бірін бәйек қақтырдым,
біріне сын тақтырмай.
Бірін құрмет тұттым да,
бірін құрмет тұтпадым,
біреулерін ұқтым да,
енді бірін ұқпадым.
Арамзадан ұтылдым,
адалынан ұтылмай,
саналыдан құтылдым,
жағалыдан құтылмай.
Өңім бе жоқ — түсім бе,
ендігісін кім білген,
осындай ел ішінде
өмір сүріп жүрмін мен!...