Балаларға арналған тақпақтар ✍️

Қала iшiнде,
Қала бар.
Қонағы оның - балалар…
Нән қамалдар,
Сәндi үйлер,
Ертегiге барабар…

Жүрегiме тұнып ән,
Қараймын да қызығам:
Салынғандай бұл қала,
Хрусталь мен шыныдан…

Мұз қалашық өркендеп,
Шат күлкiмен көркеймек…
Алаңдаймын:
Мұз-әйнек,
Сынып кетпесе екен деп…

Өзгеше ғой мынау қыс,
Шынығамыз – тұмаусыз…
Қарашықтай –
Қалашық,
Салғандарға мың алғыс!..