Ақын өлеңдері жинағы ✍️

Үлгі тұтқан Махамбет, Абайларды,
Өлеңіне көпшілік қарайлайды.
Талай ақын өмірге келеді әлі,
Бірақ ешкім дәл сендей бола алмайды.

Қуат алған Абайдың тіл – күшінен,
Жырла жазған Абайдың үлгісімен.
Қайталанбас нар тұлға өзіңсің ғой,
Дараланып тұратын мың кісіден.

Қамшыдай қысқа өрілген өміріңде,
Қандай сызат түсті екен көңіліңе.
Мен де өзіңді мәңгі өлмес үлгі тұтам,
Өлеңдерің қуат берген көңіліме.