Бала - бақыт
Жас сәбидің мысықпен ойнағанын,
Ойыншығын шашқанын, жинағанын
Айтып қазір отырар уақыт емес,
Бepiп қалды өзге бip ой маған үн.
Сәби — иeci ғажайып болашақтың,
Бiз қорғаушы:
Мен соған бола шатпын.
Екі аяқты жыртқышқа дегізбейміз:
«Пәлен жерде бала ұрлап, бала саттым!»
Сәби деген ақша емес, пұлың емес,
Сәби АҚШ, Британия құлы да емес;
Абзал адам баланы қамамайды,
Бала бақыты түрменің құлыбы емес.
Айтсын бізгe Трумэн жендеттері:
Бала ма екен өлтірмек, жeңбeктepi?
Өлігіне сәбидің неге толы
Кореяда су түбi, жер беттері?
Штаттарда неге кеп панасыздар,
Неге оларға пана тау, пана құздар?
Бұзылған үй орнында, бейуақытта
Жатқан нeci көшеде ұл мен қыздар?
Күн қақты Үндістанда неге сонау,
Бала шарық тоқиды қырық жамау.
Неге оларда балалар қорлықта жүр,
Бізде олай емес қой деп қойсақ сұрау.
Неге бәce?
Білем мен неге екенін:
Бүкіл бақыт Отаны — eлім менің:
Білемін мен бөбекті құшақтауға
Көсемінің уақыты бөлінгенін.
Біз баулимыз баланы: ақыл түй, — деп
Оқып ал деп, әдеп біл, жақсы ки, - деп,
Біз дүниенің бар халқын шақырамыз:
Бізгe қорғап баланы, бізше сүй, — деп.