Ақын өлеңдері жинағы ✍️

Он жылдық Октябрьдің еттік тойын,
Екпіні еріткендей тас пен шойын.
Құттықтап қатын, еркек қалмай келіп,
Тамаша таң қаларлық болды ойын.
Жиналып жалшы біткен ту астына,
Қуанып құрметіне ашты қойын.
Бай-құлақ, сопылардың сұры кетіп,
Бұғысты, көрсете алмай көпке бойын.
Тұрғанда большевиктің бақыты өрлеп,
Бұра алмас бұйрығынан ешкім мойын.
Бадырақ, кедей, дихан басың қосып,
Осы алған құтты болсын абыройың.

1927.