18.07.2021
  167

Автор: Тұрмағамбет Ізтілеуұлы

Асыра сілтеу қылатын

Асыра сілтеу қылатын,
Бұзықтың бәрі басылды.
Тозаңы тарқап олардың,
Көптердің көзі ашылды.
Кеңшілік бұлты күркіреп,
Жақсылық жауыны шашылды.
Бас көтеріп гүл біткен,
Боп қалды қызыл, жасылды.
Еңбекші біткен елпеңдеп,
Ор қабаққа асылды.
Ниеті жаман нек-нұқ бар,
Қылатын түлкі тәсілді.
Оларға да Үкімет,
Артар-ау оған масылды.

1918


  сілтеу бұзық Тұрмағамбет Ізтілеуұлы Тұрмағамбет Ізтілеуұлы өлеңдері Тұрмағамбет Ізтілеуұлы шығармашылығы

Қарап көріңіз 👇

  Көктем ᐈ
  Ел тегіс осы тойға қуанып тұр ᐈ
  Жұртымның жүдә жақсы жайы, күйі ᐈ
  Қадамың құтты болсын, Кеңес аға ᐈ
  Көміліп көне жоспар жаңалық тұр ᐈ


Пікір жазу