Ақын өлеңдері жинағы ✍️

Соғып бер, сөзді қой да, маған шаппа,
Соқпасқа сылтауратып, дәлел таппа!
Шебердің, қалайда да, қолы ортақ,
Кіржиіп, кірпігіңмен көзің жаппа.
Тұратын қайрамайық қылды қауып,
Орасан өткір болсын, өте тапта.
Көргендер кім соқты деп сұқтанатын,
Нақышы неше түрлі болсын сапта.
Құрбымнан өзіңе ұқсас құр кетпеймін,
Кешеуілдеп кеткенменен екі-үш апта.
Деп құрбың Тұрмағамбет қолын қойды,
Әшейін демесін деп айтқан кәпта.